KazGASA мен Tsinghua SIGS бірлескен академиялық бағдарламасы аясында екі университеттің магистранттары мен докторанттары аралас халықаралық командаларға бірігіп, Alatau City жобасы бойынша зерттеу және жобалау жұмыстарын жүргізді.
Қатысушылар дәрістерге қатысып, командалық жұмыс барысында жобалық шешімдер әзірледі. 30 қыркүйекте олар Iconic Building нысаны мен K-Park құрылыс алаңына барып, сондай-ақ WATG компаниясының рекреациялық аймақтың мастер-жоспарын әзірлеу жұмыстарымен танысты.
3 қазанда бағдарламаның қорытынды кезеңі өтті. Халықаралық командалар өздерінің жобалық жұмыстарының нәтижелерін таныстырып, әзірленген шешімдерін ұсынды.
Іс-шара соңында қатысушыларға бағдарламаға және бірлескен бастамаға қосқан үлесі үшін алғыс хаттар табысталды.
Бағдарлама KazGASA мен Tsinghua SIGS арасындағы академиялық байланысты нығайтуға, халықаралық тәжірибе алмасуды дамытуға және бірлескен білім беру мен жобалау бастамаларын ілгерілетуге мүмкіндік берді.
