2026 жылғы 15 сәуірде Қазақ бас сәулет-құрылыс академиясының 45 жылдығын мерекелеу аясында Халықаралық білім беру корпорациясының әскери кафедрасында KazGASA-ның Құрметті президенті Құсайынов Әмірлан Айдарбекұлының есімі берілген оқу аудиториясының салтанатты ашылуы өтті.
Аудиторияның ашылуы Әмірлан Айдарбекұлы Құсайыновтың сәулет-құрылыс білімін дамытуға, академиялық мектепті қалыптастыруға және жоғары білікті мамандар даярлауға қосқан үлесін мойындаудың айқын көрінісі болды.
Іс-шара барысында заманауи оқу-материалдық базаны қалыптастыру мен білім алушыларды сапалы даярлау үшін қажетті жағдайлар жасаудың маңыздылығы атап өтілді. Мұндай бастамаларды жүзеге асыру білім беру ортасын нығайтып, студенттердің кәсіби құзыреттерін дамытуға ықпал етеді.
Ұрпақтар сабақтастығына ерекше назар аударылды. Ардагерлер Құсайынов Ә.А. есімінің кәсіби ортада жоғары беделге ие екенін атап өтіп, оның қызметі болашақ мамандар үшін үлгі екенін жеткізді.
Атаулы аудитория тек білім беру кеңістігі ғана емес, сонымен қатар академия тарихына, оның дәстүрлеріне және сала дамуына үлес қосқан көрнекті тұлғаларға деген құрметтің символына айналады.
