2025 жылғы 17 қарашада KazGASA-да Алматы қаласы бойынша «Қаржы орталығы» АҚ өкілі — Тыныбеков Абылай Амангелдіұлымен бітіруші курс студенттеріне арналған ақпараттық кездесу өтті.
Кездесу барысында студенттерге мемлекеттік білім беру грантын өтеу тәртібі мен оның негізгі ережелері түсіндірілді. Спикер нормативтік-құқықтық база, өтеу мерзімдері, жас мамандарды бөлу тетіктері және оқу аяқталғаннан кейінгі жұмысқа орналасу мүмкіндіктері туралы толық ақпарат берді.
Студенттер есептілік рәсімдері, өтеуден босату шарттары және «Қаржы орталығымен» өзара әрекеттесу алгоритмі бойынша өзекті сұрақтарына жауап алды.
Іс-шара мемлекеттік білім беру саясатын жүзеге асыру қағидаттары және түлектердің болашақ кәсіби мүмкіндіктері жөнінде хабардарлықты арттыруға арналған маңызды алаң болды.
