KazGASA басқарушы командасының жаңа мүшесі — Жакиев Нурхат Куандыковичті таныстырады. Ол KazGASA ректоры Бахтияр Асылбайулы Сабденалиевке тікелей бағынатын ғылым және инновациялар жөніндегі проректор қызметіне тағайындалды.
Нурхат Куандыкович — физика бойынша PhD, математика магистрі, ғылым, инновациялар және жоғары білім беру саласында 10 жылдан астам тәжірибесі бар ғалым әрі басшы.
2020-2025 жылдары ол Astana IT University Ғылым және инновациялар департаментін басқарды. Бұл қызметте университеттің ғылыми-зерттеу қызметі стратегиясын іске асыру, гранттық қаржыландыруды тарту, стартаптарды дамыту және жарияланымдық белсенділікті арттыру бағыттарын үйлестірді.
Нурхат Куандыкович ҚР Ғылым және жоғары білім министрлігі, GIZ, UNDP, RAENG, ISTC, IsDB және DAAD қолдауымен жүзеге асырылған ғылыми жобаларды басқару тәжірибесіне ие. Оның ғылыми қызығушылықтары энергетика, экология, STEM, IT және деректерді талдау тоғысындағы пәнаралық бағыттарды қамтиды.
2025-2026 жылдары «Болашақ» бағдарламасы аясында Гарвард университетінде баламалы энергетика бағыты бойынша ғылыми тағылымдамадан өтті.
Жаңа проректорды тағайындау KazGASA ғылыми-зерттеу әлеуетін одан әрі дамытуға, халықаралық ғылыми ынтымақтастықты кеңейтуге, зерттеу және инновациялық жобаларды іске асыруға және Корпорацияның заманауи ғылыми ортасын нығайтуға бағытталған.
Нурхат Куандыковичке жаңа қызметінде табыс, жаңа ғылыми бастамалар, ауқымды жобалар және елеулі кәсіби нәтижелер тілейміз!
