2026 жылғы 4 қыркүйекте KazGASA-ға Konya Technical University (Конья қ., Түркия) делегациясы келді. Делегация құрамында университет проректоры Prof. Dr. Nurettin Çetinkaya және халықаралық байланыстар жөніндегі үйлестіруші Assoc. Prof. Dr. Muharrem Hilmi Aksoy болды.
Сапар аясында KazGASA басшылығымен кездесу өтіп, тараптар білім және ғылым саласындағы университетаралық ынтымақтастықты дамыту перспективаларын, сондай-ақ KazGASA пен Konya Technical University арасындағы одан әрі өзара іс-қимыл бағыттарын талқылады.
Кездесу қорытындысы бойынша KazGASA пен Konya Technical University ынтымақтастық туралы Меморандумға қол қойды. Құжатқа KazGASA ректоры Бахтияр Асылбайулы Сабденалиев және KTU проректоры Prof. Dr. Nurettin Çetinkaya қол қойды.
Меморандум бірлескен ғылыми-зерттеу қызметі, ғылыми жобаларды іске асыру және академиялық ұтқырлық бағдарламалары салаларындағы ынтымақтастықты дамытуды көздейді. Келісімдер аясында университеттер оқытушылар, зерттеушілер мен студенттер арасында тәжірибе және білім алмасу мүмкіндіктерін кеңейтуді, сондай-ақ бірлескен білім беру және ғылыми бастамаларды дамытуды жоспарлап отыр.
Сапар барысында Konya Technical University өкілдері KazGASA инфрақұрылымымен және университеттің қызметімен танысты.
Меморандумға қол қою Қазақстан мен Түркия университеттері арасындағы академиялық және ғылыми байланыстарды одан әрі дамытуға және жоғары білім беру саласындағы халықаралық ынтымақтастықты кеңейтуге негіз қалыптастырады.
