2026 жылғы 19 наурызда KazGASA-да International Education Corporation және холдингтің білім беру ұйымдарының басшыларына арналған Freedom компаниясы ұйымдастырған жасанды интеллект бойынша семинар өтті. Іс-шараға IEC Бақылау кеңесінің төрағасы Айғазы Әмірланұлы Құсайынов қатысты.
Семинар спикері – University of Unicorns ұйымының CEO-сы Жәнібек Серкулов. Үш сағаттық бағдарлама аясында ұйымдар қызметіне жасанды интеллектті енгізудің негізгі тәсілдері, сондай-ақ білім беру ортасын цифрлық трансформациялау перспективалары қарастырылды.
Семинардың негізгі тақырыптары:
- AI-powered компанияға трансформациялану жолы: негізгі көрсеткіштер және AI-стратегияны қалыптастыру;
- білім беру саласында жасанды интеллектті қолданудың практикалық кейстері.
Осындай іс-шаралар басқарушылық командалардың цифрлық құзыреттерін дамытуға және білім беру процесіне заманауи технологияларды енгізуге ықпал етеді.
