2025 жылғы 9 желтоқсанда KazGASA-да «Fashion Vision: жобадан подиумға» атты студенттердің авторлық жұмыстарын таныстыруға арналған жарқын шығармашылық сән көрсетуі өтті.

Іс-шараның мақсаты — болашақ дизайнерлердің кәсіби құзыреттерін дамыту, олардың портфолиосын қалыптастыру, сондай-ақ заманауи сән мен креативті индустрияларды студенттер арасында кеңінен таныту.

Көрсетілім бағдарламасында екі негізгі блок ұсынылды:

• 1-блок — жеңіл ассортимент бұйымдары, жетекшісі: профессор ассистенті Нурлыбаева К. К.
• 2-блок — сыртқы киім ассортименті бұйымдары, жетекшісі: профессор ассистенті Рашева С. Д.

Әр ұсынылған коллекция авторлардың жеке стилін, шығармашылық көзқарасын және сәндік өнімді жасауға деген кәсіби ұстанымын көрсетті — концепцияны әзірлеуден бастап подиумда көрсетуге дейін.

KazGASA жас дизайнерлерді қолдауды жалғастырып, олардың шығармашылық және кәсіби дамуына қолайлы жағдай жасауда.