Алматы қаласында KazGASA ұйымдастыруымен өткен BRAUIC 2025 халықаралық форумы сәулет және құрылыс саласының кәсіби қауымдастығы үшін маңызды оқиға болды. Форум BRAUIC консорциумына мүше елдердің жетекші университеттері мен ғылыми орталықтарының өкілдерін біріктірді.
Іс-шара халықаралық ынтымақтастықты дамытуға, ғылыми және білім беру тәжірибесімен алмасуға, сондай-ақ сәулет, құрылыс және урбанистика салаларындағы өзекті үрдістерді талқылауға серпін берді.
KazGASA мекенжайына шетелдік серіктестерден жылы лебіздер мен оң пікірлер келіп түсті. Әзербайжан сәулет-құрылыс университетінен жолданған хатта форумның жоғары кәсіби деңгейде ұйымдастырылғаны, мазмұндылығы мен практикалық маңызы атап өтілген. Әріптестер бұл алаңның идеялармен алмасуға және академиялық ынтымақтастықты нығайтуға бірегей мүмкіндік болғанын атап өтті.
Бейжің азаматтық құрылыс және сәулет университетінің (BUCEA) басшылығы KazGASA ұжымына іс-шараны жоғары деңгейде ұйымдастырғаны үшін ризашылығын білдіріп, форумның Орталық Азиядағы BRAUIC консорциумының ықпалын күшейтуге ықпал еткенін атап өтті. Сондай-ақ хатта BUCEA, KazGASA және ҚР Президенті жанындағы ҚР Ұлттық ғылым академиясы арасындағы үшжақты меморандумға қол қойылуы мен BRAUIC кәсіби комитеттерін дамыту сияқты маңызды нәтижелер көрсетілді.
Баня-Лука университетінің (University of Banja Luka, Босния және Герцеговина) басшылығы Алматы қаласында өткен BRAUIC 2025 форумын жоғары деңгейде ұйымдастырғаны және жылы қабылдауы үшін KazGASA алғысын білдірді. Пікірде форум тақырыбының өзектілігі мен мазмұндылығы атап өтілген, ол сәулеттік мұраны сақтау мен цифрлық технологиялардан (BIM, AI, VR/AR) бастап, тұрақты құрылыс, урбанистика және сәулеттік білім берудегі инновациялар сияқты кең ауқымды мәселелерді қамтығаны айтылған.
Серіктестер форум қорытындылары университеттер арасындағы ғылыми және білім беру байланыстарын одан әрі нығайтуға негіз болатынына сенім білдірді.
