ҚазБСҚА сауалнамасы

Кто из 13 участниц будет обладателем титула: "Мисс симпатий online"?
  • Аширбаева Айдана
  • Толек Мадина
  • Мырзалы Дамира
  • Жанаманова Нурсулу
  • Нигай Виктория
  • Нуркадилова Нуриля
  • Утегенова Лаура
  • Адильхан Камила
  • Ким Виктория
  • Церибова Нарса
  • Аймаганбетова Айгуль
  • Алпысбаева Мадина
  • Изимгалиева Аружан

Голосовать результаты

ҚҰРЫЛЫС ФАКУЛЬТЕТІНІҢ ӨМІРІ

АСҚАРАЛЫ АЛПЫС ЖАС

 

Біздің қадірлі әріптесіміз, Қазақ бас сәулет-құрылыс академиясының профессоры, техника ғылымдарының докторы, білім беру саласының белді қайраткері – Бесимбаев Ерік Тұрашович биыл өмір жолының айтулы белесі – алпыстың шыңына шығып отырған өнегелі азамат. 

Ерік Тұрашовичті құрылыс саласында еңбек етіп жүрген көпшілік қауым бүкіл саналы ғұмырын білім саласын дамыту мен жас ұрпақты тәрбиелеуге арнаған зиялы азамат ретінде жақсы таниды.  Өзінің жарқын да салмақты мінезімен, еңбек сүйгіштік қасиетімен, қоғамдық белсенділіктерімен ерекшеленіп тұратын, қажыр-қайратын болашақ қоғам құратын жастарды тәрбиелеу, оларға сапалы білім беру ісіне арнаған осы азаматтың өмір жолын атап өтсек артық болмас.

Ерік Тұрашович 1958 жылдың 22 қарашасында Жамбыл облысының Қордай ауданындағы Жаңатұрмыс ауылында қызметкер жанұясында дүниеге келген. Орта мектепті үздік бітірген жас жігіт, 1976 жылы Қазақ политехникалық институтының жалпы техникалық факультетіне оқуға түседі. Оны 1981 жылы құрылыс инженері деген біліктілікпен бітіріп шығады.

Еңбек жолын өзінің туған жерінде құрылыс шебері болып бастаған жас маман өндірісте қызмет атқара жүріп ғылым жолына бет бұрады.

1983 жылы Қазақ политехникалық институтының Қаратау қаласындағы филиалына оқытушылық қызметіне ауысып, ғылыми жұмыстармен біржола айналысады. 1986 жылдан бастап Мәскеу қаласындағы Гидрожобалау ғылыми-зерттеу институтында ғылыми тәжірибеден өтеді, ал 1989 жылы Куйбышев атындағы Мәскеу инженерлік-құрылыс институтының аспирантурасына оқуға түседі. 1992 жылы аспирантураны табысты аяқтап, және сол жылы техника ғылымдарының кандидаты ғылыми атағына ізденген диссертациясын қорғап шығады. Мәскеудегі атақты ғалымдардан дәріс алып, оқу және ғылыми бағыттағы істерге әбден шыңдалған Ерік Тұрашович туған елге оралады.

1992-1996 жылдары өзі ұшқан білім ордасында оқытушылық қызметін жалғастыра жүріп экономикалық факультеттің деканы қызметіне дейін көтеріледі.

1996 жылы Қазақ бас сәулет-құрылыс академиясының құрылыс факультетіне доцент қызметіне ауысады. Ерік Тұрашовичтің нағыз қабілеті осы жерден анық көріне бастайды. 2000-2003 жылдары ҚазБСҚА президентінің кеңесшісі бола жүріп қоғамдық белсенділігін арттырып, ұйымдастырушылық қабілетін шыңдайды. 2004-2006 жылдары докторантураға оқуға түседі,  ал 2010 жылы докторлық диссертациясын табысты қорғап шығады. Еңбектің қайнаған ортасында жүріп, жалпы құрылыс факультетінің деканы, ҚР БжҒМ Республикалық оқу-әдістемелік кеңесінің сәулет-құрылыс және дизайн бағыттарындағы мамандықтар бойынша оқу-әдістемелік бірлестігінің жауапты хатшысы қызметтерін абыроймен атқарады.

2012 – 2016 жылдары Қ.Сәтпаев атындағы Қазақ ұлттық техникалық университетіне ауысып, кафедра меңгерушісі, геология және мұнай-газ істері институтының директоры қызметтерінде болады.

2016 жылдан бастап Қазақ бас сәулет-құрылыс академиясына қайта оралған Ерік Тұрашович Халықаралық білім беру корпорациясының ҚазБСҚА кампусы бойынша бірінші проректоры, ХББК ректоры қызметтерін атқарады. Қазіргі таңда, Ерік Тұрашович ҚазБСҚА жалпы құрылыс факультетінің құрылыс мамандығы бойынша академиялық профессоры қызметінде.

Жоғарыда аталып өткен еңбек жолдары Ерік Тұрашовичтің қызметтің ең қызықты да қиын салаларын абыройлы басқарғандығын паш етеді. Қоғам игілігіне еңбек еткен Ерік Тұрашович басшы ретінде қызмет атқара жүріп, өзінің ғалым, ұстаз, тәрбиеші екенін де әсте естен шығарған емес.

Е.Т. Бесимбаевтың тікелей ұйымдастыруымен өткізілген республикалық, халықаралық деңгейдегі әртүрлі ғылыми тақырыптағы ғылыми-практикалық конференциялар осы сөздерімізге дәлел. Мысалы, халықаралық ғылыми-практикалық конференция «Күшті жер сілкінісі кезінде Алматы қаласындағы ғимараттар мен имараттардың сейсмикалық қаупін азайту», 2007ж.; Орта Азиялық Республикалардың өлкелік семинары «Орталық Азиядағы сеймикалық қауіптің трансшекаралық алдын алу (Германия сыртқы істер министрлігінің қолдауымен)», 2008ж.; жыл сайын өтетін Республикалық студенттік ғылыми конференция «Студент және ғылым. Болашаққа көзқарас», 2016-2018ж.ж., Қырғызстанда өткен халықаралық студенттік ғылыми конференция «Ғылым және инновациялық технологиялар», 2016-2018ж.ж.

Е.Т. Бесимбаевтың 85-тен астам ғылыми және әдістемелік еңбектері жарыққа шықты, оның ішінде құрылыс мамандықтарына арналған 7 оқулық пен екі патент те бар. Бұдан тыс, Ерік Тұрашович құрылыс мамандығы саласын дамыту бойынша зор үлесін қосып келеді. 5В072900 – «Құрылыс» (бакалавриат), 6D072900 – «Құрылыс» (докторантура PhD) мамандықтары бойынша мемлекеттік білім стандарттарын жасақтаушы жұмысшы топ жетекшісі, осы мамандықтар бойынша типтік және оқу жоспарлары мен бағдарламаларын құрастырушыларға кеңесші, шұғылданатын ғылыми  бағыттарды қалыптастыру және дамыту жұмыстарының ұйымдастырушысы ретінде орасан жұмыстарға басшылық жасады.

Қазіргі талап - тілегі жоғары студент жастарға сапалы білім беру және қоғамға сай тәрбиелеу жұмыстарын жүргізе отырып, өзінің де білім-танымын кеңейтіп, отандық, шетелдік (Ресей, Қырғызстан, Тәжікстан, Өзбекстан, Ұлыбритания, Бельгия, Германия, Нидерланды, Болгария және т.б.) әріптестерімен тәжірибе алмасу жұмыстарын жоспарлы түрде жүргізіп отырады.

Құрылыс саласында кадрлар дайындаудағы көп жылғы еңбегі мен  елеулі үлесі үшін Қазақстан Республикасы құрылыс және тұрғын үй-коммуналдық шаруашылық істері агенттігінің (2007ж., 2011ж.), Республикалық біріккен заңды тұлғалардың «Қазақстан құрылысшылары қауымдастығы» қоғамының (2005ж., 2009ж., 2011ж.), ҚР білім және ғылым министрлігінің құрмет грамоталарымен, әр жылдары Алматы қаласының әкімшілігінің алғыс хаттарымен, Қазақстан Республикасының «Құрметті құрылысшысы» (2013ж.), ҚР БжҒМ «Ғылымды дамытуға қосқан үлесі үшін» (2014ж.), «ҚазҰТУ дамытуға қосқан үлесі үшін» (2014ж.) төс белгілерімен марапатталған.

Қазақстан Республикасының білім және ғылым министрлігінің жоғары оқу орындары арасында жыл сайын өткізіп отыратын «Үздік оқытушы» (2015ж.) сайысының  жүлдегері болған.

Ерік Тұрашовичтің нағыз қазаққа тән өзіндік ұстанымдары да басқаға өнеге боларлықтай. Ескі қазақ салт-дәстүрлерін жақсы меңгерген және оны заманауи жағдайға шебер ыңғайлаған  Ерік Тұрашовичтің қансонарда жүйрік ат мініп, тазы ит жүгіртіп аңға шығатынын, туған табиғаттың ой-шұңқырын бес саусақтай білетін қасиетін екінің бірі біле білмейтін шығар. Ұлттық жәдігерлерді қадірлеп ұстайтын осы ағамыздың ер-тұрманы, қамшысы мен тымағы, домбырасы – нағыз сері жігітті елестетеді. 

Ерік Тұрашович өмірлік жолдасы Оршагүл екеуі ұл - қыз тәрбиелеп отырған үлгілі отбасы. Осы білім ордасында тәрбие алып жатқан жастарға өз балаларындай үлкен әкелік қамқорлықпен қарайтын, өмірден тоқығаны мол, болашақты әріден ойлап кеңінен пішетін, озық ойлы, кемел қабілетті, нағыз ұлтжанды азамат.

Ерік Тұрашович ! Сізді 60 жасқа толу мерейтойыңызбен шын жүректен құттықтаймыз!

Сіз өз тойыңызға лайықты да қошеметтеуге тұрар жетістіктермен келіп отырсыз. Өз еңбек жолыңызда талай белеске шығып, ұжымның және әріптестеріңіздің құрметіне бөлендіңіз. Сіздің әлі де талай асуларды бағындыратыныңызға  нық сенімдіміз!

Сізге және отбасыңызға зор денсаулық, ұзақ ғұмыр, еңбекте тың табыстар мен өмірдің асқақ абыройын тілейміз! Шаңырағыңызда береке-бірлік, ырыс-ынтымақ бола берсін!


ЖАЛПЫ ҚҰРЫЛЫС ФАКУЛЬТЕТІНІҢ  

 

ұжымы атынан 

 

 

 

Жыл сайын ҚазБСҚА оқушылар, олардың ата-аналары және талап етушілер үшін есігін ашады. Сондай-ақ, осы жылы да жалпы құрылыс факультетінің оқытушылары 2017 жылғы 13 қараша мен 17 қараша аралығындағы "Ашық есік күні" іс-шараға белсене қатысты. Академиянының қонақтары ретінде Алматы қаласының және Қазақстанның басқа аймақтарынан оқушылар болып табылды.

Айтарлықтай, кейбір оқушылар аталудағы іс-шараға ата-аналар мен жақын туыстарымен қатысуға келді. Іс-шараның өту барысында келген қонақтардың ішіндегі оқушыларды бас корпустағы 1 қабатдағы фойеде тіркеу рәсімін жүргізіп, содан оларды бүкіл ғимарат ішінде сүйемелдеу жасалды.

Іс-шараға қатысушыларды барлық факультеттің өкілдері қарсы алып, оқушыларға оқыту туралы, академиядағы алатын мамандықтар туралы, сондай-ақ оқу шарттары туралы толық мәлімет берілді. Қатысушыларды көптеген ұйымдастыру, тәрбие жұмысының әдістерін іске асыру процесі, студенттердің бос уақытын өткізу, жатақхана, және көптеген басқа да академияда ұсынылатын білім беру қызметтеріне қатысыты білім алушылардын сурақтарына жауаптарын алып қайтты. 

 

 

 

 

 

Халықаралық қызмет. Жалпы құрылыс факультетінің көптеген жақын және алыс шетел жоғары оқу орындарымен және кәсіпорындармен байланыстары орнатылған, салалық және академиялық ғылыми-зерттеу институттарымен, ұйымдармен, кәсіпорындармен белсенді шығармашылық байланысы бар, атап айтсақ: Сеул қаласының Кумох технологиялық институты, профессор Ki-Tac-Chang; Құрылыс және жол машиналарын жасау жалпыодақтық ғылыми-зерттеу институты ҒӨБ, Жер қазу машиналарын жасау жалпыодақтық ғылыми-зерттеу институты ҒӨБ, ҚКОҒЗИ, ММҚУ (бұрыңғы МИҚИ), ОМҚСА, (ҚСЗИ), (ДМҚСА), Днепропетровск құрылыс институты, Волгорад сәулет-құрылыс университеті, СібКЖУ, МКЖИ, ҚМҚКСУ, ТашПИ, Ташкент суландыру және мелиорациялау институты (кафедра меңгерушісі т.ғ.д. Салахитдинов А.Т.), Тәжік техникалық университеті, Пенза аймақтық инновациялық зерттеулер орталығының ҚМжКӨ кафедрасы, «Manual» американдық компаниясы.

Факультет ҚазБСҚА спорт өміріне белсенді қатысады. Жыл сайын дәстүрлі түрде ЖОО ардагерлері арасында волейболдан жарыстар, шахмат турнирлері, ПОҚ арасында спартакиада өткізіледі. ЖҚФ ассоц.профессоры Оспанов С.О. академия басшылығының және ҚазБСҚА Спортклубының қолдауымен студенттік жатақханаларда студенттер арасында шахматтан, гирлік спорттан конкурстар мен жарыстар ұйымдастырады және өткізеді.

Факультет академияның қоғамдық өміріне белсенді қатысады. Жаңа 2010 жылды қарсы алғанда факультет ұжымы кешті ұйымдастыруға жауапты болып, академияның барлық ұжымының көңілінен шыққан сахналандырылған көрініс өткізді. Кешті өткізу кезіндегі көрсетілген бастама және белсенділік үшін ЖҚФ профессорлық-оқытушылар құрамын ХБК Президенті марапаттады.

Факультет ұжымы өзінің «отбасылық» мерекелерін жұмыла өткізеді, мерейтой иелерін және мерейгерлерді құттықтайды. Ұжым мүшелері арасындағы өзара құрметтеу және қолдау факультетте татулық пен іскер жағдай тудырады. Жалпы құрылыс факультетінің ұжымы мектеп түлектерін жыл бойы үнемі өткізіліп отыратын Ашық есіктер күніне шақырады. Бұл күндері Академия төрінде Сіздерді үздік оқытушылар қарсы алып, Құрылысшы кәсібі туралы айтып береді және барлық сұрақтарыңызға жауап береді. Біздің факультетте оқу перспективалары туралы біздің оқытушылардан электрондық поштаға хат жіберу арқылы біле аласыз.

 
 

 

Erasmus бағдарлама шеңберінде ҚазБСҚА-да 2018 жылдың 8-14 мамыр аралығында Белосток техникалық университетінің профессорлары Болтрык Мишал және Миедзиаловски Счеслав (Польша) сапарда болды

 

«Арманидан бешпет» атты КТК  командасының қойылымы, ҚазБСҚА құрамасы (ОКЛ)


Студенттікке қабылдау


«Miss КазГАСА»сұлулық байқауы


Наурыз, 2015г.


Велопробег, 2015г.